டெல்லியில் ஷாப் மால் ஒன்றில், நடிகை பூஜா மிஸ்ரா கடை ஊழியரை கடுமையாகத் திட்டி, உதைத்துத் தாக்கும் வீடியோ பரபரப்பை ஏற்படுத்தியுள்ளது.
டெல்லியில் உள்ள கரோல் பாக் பகுதியில் உள்ள ஷாப் ஒன்றில் இந்தி நடிகை பூஜா மிஸ்ரா அண்மையில் ஷாப்பிங் செய்ய சென்றுள்ளார்.
அப்போது அங்கிருந்த இளைஞர் ஒருவர், தன்னை ஈவ் டீசிங் செய்தார் என்று கூறி, பூஜா மிஸ்ரா அந்த இளைஞரை கடுமையாகத் திட்டி உதைத்து, தாக்குதலில் ஈடுபட்டார்.
பின்னர் இது குறித்து பொலிசாரிடம் அவர் புகார் தெரிவித்துள்ளார்.
இது தொடர்பாக பொலிசார் கூறியதாவது, கடையில் உள்ள சி.சி.டி.வி. கமெராவின் காட்சிகள் ஆய்வு செய்யப்பட்டு வருகின்றன
இது குறித்து வழக்கு எதுவும் பதிவு செய்யவில்லை. இது பிக்பாஸ் நிகழ்ச்சிக்காக நடந்த படப்பிடிப்பா என்பது குறித்தும் விசாரித்து வருகிறோம் என்று தெரிவித்தனர்.
இந்நிலையில், இந்தக் காட்சிகள் வீடியோவாக சமூக வலைத்தளங்களில் வெளியாகி பரபரப்பை ஏற்படுத்தியுள்ளது.
பூஜா மிஸ்ரா, ஏற்கெனவே தனியார் ஹோட்டல் ஊழியர் ஒருவர் மீது தாக்குதலில் ஈடுபட்ட வீடியோ காட்சிகள் வலைத்தளங்களில் வெளியாகி விமர்சனங்களை உண்டாக்கியிருந்தது குறிப்பிடத்தக்கது.
வீடியோவை காண.......
கருத்துகள் இல்லை:
கருத்துரையிடுக